दमौलीः तनहुँ उद्योग वाणिज्य संघको १६ औं महाधिवेशनमा अध्यक्ष पदका लागि शनिबार भएको मतदानमा एक हजार चार सय ९४ मत खसेको छ ।
निर्वाचन अधिकृत एवं बार एसोसिएसन तनहुँ जिल्ला अदालत बार एकाईका अध्यक्ष भानुभक्त सुवेदीले दमौली न्युजलाई बताए अनुसार विहान आठ बजेबाट दिउँसो साढे ४ बजेसम्म तोकिएको समयमा मतदानस्थलमा प्रवेश गरेका उल्लिखित संख्याका मतदाताले मतदान गरेका हुन् ।
संघमा कुल एक हजार नौ सय ५० मतदाता छन् ।
शुरुमा चार बजेसम्म भनिए पनि पछि आधा घण्टा समय थप गरिएकामा करिब सवा ४ तिर हावाहुरी आएको थियो । हावाहुरीका बीच पनि भित्र पुगेका मतदाताले मतदान गरेको सुवेदीले जानकारी दिए ।
७ बजेबाट मत गन्ने तयारी
मतको गणना साँझ ७ बजेबाट गर्ने तयारी आयोजकको छ । निर्वाचन अधिकृत सुवेदीले सबै प्रक्रिया सकेर साँझ मत गन्ने योजना रहेको जानकारी दिए ।
