दमौलीः नेपाली कांग्रेस तनहुँको जिल्ला अधिवेशनअन्र्तगत कुल मतदाताको ठूलो हिस्साले मतदान गरिसकेका छन् ।
बाँकी दमौली अनशन चौतारीको खुला मैदानमा लामबद्ध भएर बसेका छन् ।
सभापतिसहित जिल्ला पदाधिकारी टुंग्याउने अधिवेशनमा रहेका कुल १८ सय १७ मध्ये झण्डै १३ सयले यो समाचार तयार पार्दासम्म मतदान गरेका छन् ।
बिहान आठ भने पनि १० बजे शुरु भएको मतदान ढिला शुरु भएकाले पाँच बजेसम्म चल्ने निर्वाचन अधिकृत फणिन्द्रराज कोईरालाले जानकारी दिए ।
मतदानस्थल आसपमासमा आ आफ्ना सभापति उम्मेदवारका पक्षमा नाराबाजी तथा गीत गाउने समेत चलेकाले बेग्लै माहोल देखिएको छ ।
अधिवेशनबाट चयन हुने नेतृत्वले हालका पार्टी सभापति बैकुण्ठ न्यौपाने र कार्यवाहक सभापति जीतप्रकाश आलेमध्ये एकको राजनीतिक भविष्यमा संकट र अर्काको राजनीतिक उकालोमा फाइदा गर्नेछ ।