दमौलीः सर्वोच्च अदालतद्वारा संसद पुनस्र्थापनाको आदेश आएको भन्दै विरोधमा युवा संघका कार्यकर्ताले दमौलीमा विरोध प्रदर्शन गरेका छन् ।
उनीहरुले प्रधानन्यायाधिश चोलेन्द्र सम्शेर जबराको पुत्लादहन समेत गरेका छन् । सफासडकमा भेला भएका युवा संघका नेता कार्यकर्ताले केपी बा आई लभ यु, अदालतको हस्तक्षेप मुर्दाबादलगायतका नारा लगाएका थिए ।
केहीबेर मुख्य राजमार्गमै अवरोध गरेर नाराबाजी गरेका उनीहरुलाई प्रहरीले हटाएको थियो । युवा संघ नेता कविराज श्रेष्ठले अदालतले राजनीतिमा हस्तक्षेप गरेकाले विरोध गरिएको बताए ।
अर्का नेता मदन तिमिल्सेनाले सर्वोच्चको आदेश गलत भएकाले विरोधमा उत्रिएको बताए ।
