दमौलीः दमौली तथा आसपासका क्षेत्रमा आज ४८ मिलिमिटर वर्षा रेकर्ड गरिएको छ ।
मौसम पूर्वानुमान महाशाखाका अनुसार दिउँसो २ बजेसम्म भएको वर्षाको विवरण सार्वजनिक गरिएको हो ।
बिहानदेखि हालसम्मको यो रेकर्ड रहे पनि नियमित वर्षा भैरहँदा साँझसम्म परिमाण बढ्ने देखिएको छ ।
हालसम्मको विवरणले खतराको शंकेत भने देखा परि नसकेको विभागको आँकडाले बताएको छ ।
हालसम्म सर्वाधिक थप्रेक मापन केन्द्रमा ७ मिलिमिटर प्रति घण्टा, खैरेनीटारमा ३ मिलिमिटर प्रतिघण्टा वर्षा मापन गरिएको छ ।
यसैगरी, श्याम्घामा ६ मिलिमिटर प्रति घण्टा तथा दमौलीमा सबैभन्दा कम २ मिलिमिटर प्रति घण्टाका दरमा वर्षा भएको विवरण विभागले सार्वजनिक गरेको छ ।
विमलनगर तथा बन्दीपुरमा प्रतिघण्टा ५ दशमलव ५ मिलिमिटरको हाराहारीमा वर्षा भैरहेको छ ।
