दमौलीः मादी किनारमा लत्रिएको विद्युतको तारमा करेन्ट लागेर व्यास नगरपालिका–१० कुमालटारीका एक किशोर घाइते भएका छन् ।
स्थानीय १२ वर्षका सन्जिव दरै मादी खोलाको किनारमा पौडी खेल्ने क्रममा बिजुलीको पोल ढली करेन्ट लागेर घाइते भएका छन् ।
उपचारको लागि रत्नहरि अस्पतालमा लगिएको छ । बोटेगाउँस्थित मादी किनारमा रहेको हाईटेन्सनको पोलबाट तार लत्रिएको बारेमा पटक पटक ध्यानाकर्षण गराए पनि नेपाल प्राधिकरणको चरम लापरबाहीका कारण पोल ढलेको बताइएको छ ।
