दमौलीः दमौलीका युवालाई लागू औषध दुव्र्यसन र साईबर क्राइमविरुद्ध अभिमुखीकरण गरिएको छ ।
जागौं युवा नेपालको आयोजनामा वडा नं २ को सहयोगमा कार्यक्रम गरिएको आयोजकले जनाएको छ । कार्यक्रमको उद्घाटन गर्दै वडा अध्यक्ष काशीराम श्रेष्ठले सहर क्षेत्रमा मात्रै नभएर गाउँ गाउँसम्म लागुऔषध ओसारपोसार तथा दुव्र्यसनको खतरा बढेकाले सचेतना कार्यक्रम गर्न आवश्यक रहेको बताए ।
उनले भने, ‘यसलाई जिल्लाभर निरन्तरता दिन स्थानीय तहहरुको पनि सहयोगको आवाश्यक छ। सचेतना कार्यक्रमले जिल्लामा बढ्दो लागुऔषध दुव्र्यसन र साईवर क्राइमसँगै बालविवाहसमेत न्युनिकरण हुने नागरीक समाजको अपेक्षा छ ।’
जिल्ला प्रहरी कार्यालय तनहँुका डिएसपी एवंम् प्रवक्ता युवराज तिमिल्सेनाले किशोर अवस्थादेखि नै युवाहरुले लागुऔषध सेवन गर्ने गरेको कारण विभिन्न जघन्य अपराधका घटनाहरु समेत हुने गरेको पाईएको बताए ।
उनले युवालाई दुव्र्यसनबाट टाढा राख्ने वातावरण बनाउनु सबै निकायको दायित्व भएको उल्लेख गरे । साथी भाईको लहलहै तथा अशिक्षा र बेरोजगारीका कारण लागुऔषध दुव्र्यसनमा फसेको उनले बताए ।
युवा अभियन्ता अपार पौडेलले पनि भुर्चअल मार्फत युवाहरुलाई प्रशिक्षण दिएका थिए । जागौं युवा नेपालका अध्यक्ष समुन्द्र पौडेलको सभापतित्वमा सम्पन्न कार्यक्रममा वडा सदस्य राधिका परियार, सविन लामिछाने लगायत बोलका थिए । कार्यक्रममा ४० भन्दा युवायुवतीको उपस्थिती रहेको आयोजकको भनाई छ ।
