दमौलीः अत्यधिक वर्षाका कारण बाढी पहिरो आउँदा व्यास १४ केशवटारमा कैयौं घरमा क्षति पुगेको छ । ठाउँ ठाउँमा पहिरो खस्दा गुँदीबाट केशवटार जाने सडकको १२ ठाउँमा अवरोध आएको वडाध्यक्ष काजिमान श्रेष्ठले दमौली न्यूजलाई बताए । ‘धेरै ठाउँमा क्षति पुगेको छ,’ उनले भने,‘पहिरो हटाउन समय लाग्न सक्छ ।’
कुलुङमा पानी अभाव
व्यास १४ कुलृुङ र आसपासमा खानेपानी वितरण गरिरहेको कुलुङ लिफ्ट खानेपानीमा बाढी तथा पहिरोले व्यापक क्षति पु¥याउँदा स्थानीय पीउने पानीको अभाव भोगिरहेका छन् ।
बाढीले लिफ्ट गर्ने पाईप फासरदी खोलामा पु¥याएको र मोटर समेत जलेको र विद्युत आपूर्ति गर्ने पोल नै नभेटिएको अध्यक्ष श्रेष्ठले बताए । ‘४० लाख बढीको क्षति पुगेको छ,’ उनले भने,‘मर्मतका लागि काम थाल्नुपर्ने देखिएको छ ।’
खानेपानी तथा सरसफाई डिभिजन कार्यालयले सो आयोजना निर्माण गरेको थियो । सानो बजेटले मर्मत नहुने भन्दै उनले सहयोगको अपेक्षा गरेका छन् ।
स्थानीय दीपक सारुले वर्षाको समयमा धमिलो पानी पिउन परेको भन्दै स्थानीयको स्वास्थ्य जोखिममा परेको बताए ।