तनहुँ कोरोना अपडेटः अझ बढ्यो संक्रमण, एकको मृत्यु ९४ नयाँ संक्रमित

दमौलीः दुई दिनयता उकालो लाग्न थालेका कोरोना ग्राफ आज थप उकालो लागेको छ ।
स्वास्थ्य निर्देशनालय गण्डकीका अनुसार पछिल्लो २४ घण्टामा तनहुँमा कोरोना संक्रमणका ९४ नयाँ घटना सार्वजनिक भएका छन् ।

कुल परीक्षण गरिएका दुई सय ११ जनामध्ये ४६ महिला र ४८ पुरुषमा संक्रमण पुष्टि भएको हो ।

यस अवधिमा शुक्लागण्डकी ६ का ४१ वर्षका संक्रमितको ज्यान गएको छ । उनको गण्डकी मेडिकल कलेजमा सोमबार ज्यान गएको निर्देशनालयको विज्ञप्तिमा छ ।