दमौलीः तनहुँ प्रशासनले निजी सवारी साधन चल्न दिने भएको छ । बिहिबारबाट जोर बिजोर प्रणालीका आधारमा निजी सवारी साधन चल्न दिने निर्णय गरिएको प्रमुख जिल्ला अधिकारी सागर आचार्यले जानकारी दिए ।
प्रशासनले जारी गरेको निषेधाज्ञा आदेशमा निजी सवारी साधन जोर बिजोर प्रणालीमा चल्ने उल्लेख छ । तर सार्वजनिक सवारी साधनलाई भने अझै खुला गरिएको छैन ।
यस अघि असार २४ सम्म निषेधाज्ञा थप भए पनि यसपालीको मोडल पहिलेभन्दा निकै लचक देखिएको छ ।