दमौलीः तनहुँ प्रशासनले निरन्तर वर्षा हुन सक्ने भन्दै सतर्क रहन जिल्लावासीलाई आग्रह गरेको छ ।
एक सूचना जारी गर्दै प्रशासनले बिहि देखि शनिबारसम्म वर्षा हुने सूचना प्राप्त भएको भन्दै बाढी, पहिरोलगायतका जोखिम देखिएकाले सजग रहन नागरिकहरुलाई आग्रह गरेको हो ।
सहायक प्रमुख जिल्ला अधिकारी चित्रांगत बरालद्वारा जारी सूचनामा बाढी पहिरो हुने क्षेत्रमा नजान, नदी किनारमा नजान तथा पौडी नखेल्न भनिएको छ ।
खासगरी सेती, मादी, मस्र्याङदी तथा कालिगण्डकी किनारमा नजान प्रशासनले सुझाएको छ ।
कुनै आपतकालिन समस्या देखिएका खण्डमा जिल्ला आपतकालिन केन्द्रको ०६६५६११६१, प्रजिअको ९८५६०६७७७७, प्रहरी प्रमुखको ९८५६०६५५५५ तथा सहायक प्रजिअको ९८५६००११११ मा खबर गर्न प्रशासनले आग्रह गरेको छ ।
