दमौलीः नेपाल पत्रकार महासंघ तनहुँ शाखाले स्थापना गरेको कल्याणकारी कोषमा प्रहरी उपरीक्षक अरुण पौडेलले पाँच हजार पाँच सय ५५ रुपैयाँ सहयोग गरेका छन् ।
जिल्ला प्रहरी कार्यालय तनहुँबाट सरुवा भएका उनले महासंघ तनहुँ शाखाका अधयक्ष उज्वल पौडेललाई सो रकम हस्तान्तरण गरे । पत्रकारहरुको हितमा प्रयोग हुने कल्याणकारी कोषमा आफुले सहयोग गर्न पाउँदा खुशी लागेको प्रहरी उपरीक्षक पौडेलले बताए ।
कोषमा रकम प्रदान गर्नु भएकोमा शाखा अध्यक्ष उज्वल पौडेलले धन्यवाद ब्यक्त गरे ।
नेपाल पत्रकार महासंघ तनहुँकोे पत्रकार कल्याणकारी कोष स्थापना गर्ने निर्णयसँगै पत्रकारहरू, शुभेच्छुक,सहयोगी संस्था र व्यक्तिबाट कोषमा सहयोग आउने क्रम जारी रहेको महासंघले जनाएको छ ।