दमौलीः तनहुँमा पछिल्लो २४ घण्टामा ४८ जनामा कोरोना संक्रमण पुष्टि भएको छ । संक्रमणकै कारण एक जनाले ज्यान गुमाएका छन् ।
कोरोना संक्रमणका कारण ज्यान जानेमा भिमाद ५ निवासी ७८ वर्षिया वृद्धा छन् । उनको उपचारका क्रममा गण्डकी मेडिकल कलेज पोखरामा ज्यान गएको स्वास्थ्य निर्देशनालय गण्डकीले जनाएको छ ।
पछिल्लो २४ घण्टामा तनहुँमा २३ महिला र २५ पुरुष गरी ४८ जनामा संक्रमण पुष्टि भएको निर्देशनालयको विज्ञप्तिमा छ ।
