व्यासको नगर सभा आज, एक अर्ब ७७ करोडको बजेट आउँदै

दमौलीः व्यास नगरपालिकाको ३५ औं नगर सभा अब केही बेरबाट शुरु हुँदैछ । दमौलीस्थित नगर सभा हलमा आयोजित कार्यक्रममा नगरपालिकाले नीति तथा कार्यक्रम र बजेट प्रस्तुत गर्दैछ ।

नगरपालिकाले यसपाली एक अर्ब ७७ करोड रुपैयाँ बराबरको बजेट ल्याउने तयारी गरेको छ ।
विहान साढे ११ बजेबाट शुरु हुने नगर सभा बैठकमा पहिले नीति तथा कार्यक्रममा छलफलपछि पारित हुनेछ ।

यसैगरी दिउँसो तीन बजे बजेट पेश गर्ने कार्यतालिका रहेको नगरपालिकाका सूचना शाखा प्रमुख गोकर्ण वाग्लेले बताए । बजेटको तनहुँ टेलिभिजन, टेलिभिजनको युट्युब तथा फेसबुक पेजमार्फत प्रत्यक्ष प्रशारण हुने नगरपालिकाका कार्यालय प्रवक्ता मेघनाथ आचार्यले जानकारी दिए ।