दमौलीः अविरल वर्षाका कारण आएको बाढी र पहिरोबाट मनाङको हुम्डेमा मस्र्याङदी नदी थुनिएको छ । मनाङका प्रमुख जिल्ला अधिकारी विष्णु लामिछानेका अनुसार नदी थुनिएपछि बाढीको जोखिम बढेको छ ।
नदी जुनसुकै बेला पनि फुट्न सक्ने भन्दै प्रशासनले नदी छेउ नजानका लागि मनाङसँगै नदी करिडोरमा पर्ने तनहुँ र लमजुङका बासिन्दासमेतलाई आग्रह गरेको छ ।
वर्षाका कारण मनाङमा उच्च क्षति पुगेको छ ।
अपडेटः केही बेर अघिबाट बिस्तारै पानी बग्न थालेको मनाङबाट पत्रकार नवीन लामिछानेले जानकारी दिएका छन् ।