बन्दीपुर: नेपाली कांग्रेसका युवा नेता सुरेश भट्टराईले बन्दीपुरका दुई वडाका झण्डै एक सय घर परिवारलाई राहत वितरण गरेका छन् ।
कोभिड संकटका कारण समस्यामा परेका २ र ४ वडाका दलित तथा जनजाति बस्तीमा गएर उनले खाद्यान्न राहत वितरण गरेका हुन् ।
वडा न २ को मोहरिया दलित बस्ति,मुचुक पौवा , मादी भञ्ज्याङ् ,हल्थुम्का र वडा न ४ को तामाङ डाडा , भुमर्शे लुङेलीमा भट्टराईको पहलमा हरेक परिवारलाई एक बोरा चामल, एक पोका तेल र एक पोका नुन समेत गरेर करिब एक लाख पचास हजार रुपैयाँको राहत वितरण गरिएको भट्टराईले बताए ।
कांग्रेस जिल्ला सदस्य बिपिन गुरुङ, कांग्रेस क्षेत्र न १ का क्षत्रीय प्रबक्ता राजु बानिया, कांग्रेस युबा नेता अनिल भट्टराई, नारायण खड्का , ध्रुब केसि ,कांग्रेस बन्दिपुरका पार्टीका सचिब बैँस गुरुङ , बन्दिपुर तरुण दल अध्यक्ष शिशिर मगर तरुण नेता मङल गुरुङ, कर्णबहादुर गुरुङ, महाधिवेशन प्रतीनिधि राजु बिक्रम भन्डारी ,दलित नेता तिर्थ नेपाली, वडा न २ का सभापति गोकर्ण बानिया र बन्दिपुर पर्यटन विकास समितिका अध्यक्ष किसान प्रधान लगायतले राहत वितरणमा भट्टराईसँग सहकार्य गरेका थिए ।