दमौलीः छोरा र आफूलाई कोभिड संक्रमण देखिए पछि घरमै उपचार गराईरहेका कांग्रेस केन्द्रीय सदस्य एवं जनसम्पर्क विभाग प्रमुख गोविन्द भट्टराईको स्वास्थ्य अवस्थामा सुधार आएको छ ।
भट्टराईको सचिवालयका अनुसार उनी र छोरा दुवैले घरमै चिकित्सकको परामर्शमा उपचार गराईरहेका छन् । केही दिन अघि भट्टराई र उनका छोरा दुवैलाई संक्रमण पुष्टि भए पछि उनी राजधानीस्थित निवासमै स्वास्थ्यलाभ गरिरहेका छन् ।
सचिवालयका सोचेन्द्र हमालका अनुसार भट्टराईलाई ज्वरो र शारिरिक समस्या देखिएकामा केही कम भएको छ । भट्टराईको स्वास्थ्यलाभको कामना गर्दैै सुभेच्छुक तथा कांग्रेस कार्यकर्ताले पोष्ट गरेका थिए ।
