दमौली: म्याग्दे गाँउपालिका वडा नं. ३ धयरे घर भई हाल व्यास–२ दमौलीमा व्यवसाय गर्दै रमेश घिमिरेले नेपाल पत्रकार महासंघ तनहुँ शाखाको पत्रकार कल्याणकारी कोषमा रकम सहयोग गरेका छन् ।
घिमिरेले कोषका लागि ५ हजार १ सय रुपैयाँ सहयोग गरे। नेपाल पत्रकार महासंघ तनहुँका पुर्व अध्यक्ष एंव सल्लाहकार डम्बर बहादुर अधिकारीलाई घिमिरेले सहयोग रकम शनिबार हस्तान्तरण गरे ।
व्यास–२ सफासडकमा पुष्पाञ्जली किराना पसल संचालक घिमिरले आफ्नो जन्म दिनको अवसर पारेर सहयोग रकम हस्तान्तरण गरे । जिल्लाको संचार क्षेत्रको विकासमा खर्च हुने कोषका लागि आफुले सहयोग गरेको बताए । नेपाल पत्रकार महासंघ तनहुँ शाखाको अभियानमा सहयोग गर्नुभएकोमा पुर्व अध्यक्ष अधिकारीले उनलाई धन्यवाद ज्ञापन गरे ।
