दमौलीः तनहुँ उद्योग वाणिज्य संघले प्राथमिकताका साथ व्यापारी वर्गलाई कोभिड १९ विरुद्धको खोप दिलाउन माग गरेको छ । प्रमुख जिल्ला अधिकारीलाई एक पत्र लेख्दै संघले यस्तो माग गरेको अध्यक्ष पविन्द्रकुमार श्रेष्ठले जानकारी दिए ।
पत्रमा संघले लकडाउनलाई अझ पूर्णरुपमा गर्न पनि माग गरेको छ । संघले मूल्यसूची, सामानको गुणस्तर, कृत्रिम अभाव र बिक्रीयोग्य मितिको अनुगमन पनि तदारुकताका साथ गर्न माग गरेको छ ।
संघले बजार अनुगमनका क्रममा व्यवसायीबाट लिइंदै आएको जरिवानामा व्यवहारिकता हेरेर पुनर्विचार गर्न पनि प्रशासनलाई आग्रह गरिएको छ ।