काठमाडौं ः राजनीतिमा परिवर्तनका लागि भन्दै थालेको संघर्षमा अग्रपंक्तिमा रहे पनि कोभिडविरुद्धको लामो संघर्षमा पराजित हुँदै विवेकशील साझा पार्टीका नेता उज्ज्वल थापा बिलाएका छन् ।
पार्टी नेता मिलन पाण्डेका अनुसार थापाको उपचारका क्रममा राजधानीमा निधन भएको हो । भेन्टिलेटरमा राखेर उपचार भैरहेको थापाको निधन भएको भन्दै केही अनलाईनले दिउँसै देखि समाचार लेख्न थालेका थिए ।
तर पार्टी नेता पाण्डेले सामाजिक सञ्जलमा पोष्ट गरे पछि उनको निधनको पुष्टि भएको थियो ।
४४ वर्षीय थापा विवेकशील अभियान तथा विवेकशील नेपाली दलका संस्थापक, विवेकशील साझा पार्टीका पूर्वसंयोजक, उद्यमी र सामाजिक उत्प्रेरक पनि हुन् ।
