दमौलीः दमौली अस्पतालका कोभिड संक्रमित बिरामीलाई सुभेच्छुकले पौष्टिक आहारा सहयोग गरेका छन् ।
संक्रमित २० बिरामीका लागि फलफूल, जुस, मास्क तथा सरसफाईका सामानसहितको प्याकेज सहयोग गरिएको पछिल्लो समय कोभिड संकटका बेला जिल्लाभर सहयोग अभियान सञ्चालन गरेका व्यास २ निवासी सलिम मियाँले जानकारी दिए ।
‘संक्रमणका बेला पौष्टिक आहार नपुग्दा बिरामी झनै कमजोर भएको सुनिएको छ,’ उनले भने,‘त्यसैले कसैले कमजोरी महसुस् गर्नु नपरोस् भनेर सहयोग गरेका हौं ।’
उनले आहारा अस्पतालका चिकित्सकलाई हस्तान्तरण गरेका थिए । यस अभियानमा व्यास २ गणेशमान चोक घर भै हाल हङकङ निवासी केशम थापा ‘सोमी’ले सघाएको बताइएको छ ।
