दमौली :राससका कार्यकारी सम्पादक एवम् अग्रज पत्रकार सूर्यचन्द्र बस्नेतलाई ‘नरहरी खनाल स्मृति पत्रकारिता पुरस्कार’ प्रदान गरिने भएको छ ।
स्वर्गीय खनालको परिवारले नेपाल युनियन तनहुँमा स्थापना गरेको पुरस्कार पहिलोपटक बस्नेतलाई प्रदान गरिन लागेको हो ।
अध्यक्ष अमरराज नहर्कीको अध्यक्षमा मङ्गलबार बसेको युनियनको भर्चुअल बैठकले पुरस्कार प्रदान गर्ने निर्णय गरेको हो ।
स्वर्गिय शिक्षक खनालको स्मृतिमा छोरा नेविसंघका पूर्व सहमहामन्त्री लक्ष्मीभक्त खनालले स्थापना गरेको अक्षयकोषबाट प्रदान गरिने पुरस्कारको राशी नगद ५ हजार ५ सय ५५ रुपियाँ छ ।
प्रेस युनियन स्थापना दिवस जेठ १३ गते प्रदान गर्ने तयारी भए पनि सहज अवस्थामा पुरस्कार प्रदान गरिने सचिव प्रकाश अधिकारीले जानकारी दिए ।
राससको जिल्ला समाचारदाताबाट पत्रकारिता थालेका युनियनका पूर्व अध्यक्ष बस्नेत क्षेत्रीय प्रमुख हुँदै हाल कार्यकारी सम्पादक छन् ।
उनले देशको पत्रकारिताका क्षेत्रमा पुर्याएको विशिष्ट योगदानका लागि पुरस्कार प्रदान गरिन लागिएको युनियनले जनाएको छ ।
उपचारमा मद्धत पु¥याउन समिति गठन
बैठकले युनियनका पार्षद दिवाकर भण्डारीको जीवन सङ्गिनी सुनिता डोटेल भण्डारीको उपचारका लागि सक्दो सघाउने निर्णय गरेको छ । घरको छतबाट खसेर घाईते भई हाल काठमाडौ स्थित बि एण्ड बि अस्पतालमा उपचारत सुनिताको स्वास्थ्य लाभको कामना गर्दै उपचारका लागि आर्थिक संकलन गर्ने निर्णय बैठकले गरेको छ।