दमौलीः व्यास ७ पाथ्रा स्थायी ठेगाना भई हाल व्यास ४नमुना टोल बस्दै आएका ८० वर्षिय मुक्तिनाथ न्यौपानेले तनहुँका पत्रकारका लागि स्थापना गर्न लागिएको पत्रकार कल्याणकारी कोषमा सहयोग गरेका छन् । उनले महासंघ कार्य समिति सदस्य प्रकृति खनाल न्यौपानेमार्फत कोषका लागि रकम सहयोग गरेका हुन् ।
आफ्नो खाजा खर्च कटाएर न्यौपानेले तीन हजार पञ्पन्न रूपैया सहयोग गरेका हुन् । ‘यो सरकार ले खाजा खा भनेर दिएको वृद्धा भत्ताबाट दिएको हुँ,’ उनले भने ।
उनले समाजका ऐना पत्रकारका लागि सबैले सकेको सहयोग गर्न भन्दै सबै सुभेच्छुक व्यक्ति तथा संघ संस्थालाई अनुरोध गरे ।
