विकास खनाल
दमौली: क्षेत्री समाज नेपाल जिल्ला कार्यसमिति तनहुँले तनहुँका विभिन्न अस्पतालहरू लाई स्वास्थ्य सामग्री सहयोग गरेको छ । काेभिड १९ काे राेकथामका लागि सहयोग पुगाेस भनेर आफूहरुले सहयोग गरेको क्षेत्री समाज तनहुँका अध्यक्ष रामबहादुर अधिकारीले बताए । उक्त् सामग्री तनहुँका प्रमुख जिल्ला अधिकारि सागर अाचार्य मार्फत जिल्ला स्वास्थ्य कार्यलय तनहुँका प्रमुख शंकर अधिकारीलाई बुझाइएको हाे ।
स्वास्थ्य सामग्री बुझ्दै प्रमुख जिल्ला अधिकारी सागर अाचार्यले क्षत्री समाज नेपाल तनहुँ लाई धन्यवाद दिए । काेभिड १९ का कारण सिङ्गो देश अाक्रान्त भइरहेको बेला त्यस सँग सम्बन्धित स्वास्थ्य सामाग्री सहयोग गरेर समाजले नमुना काम गरेको अाचार्यले बताए । अध्यक्ष अधिकारीले सामाग्री हस्तान्तरण गर्दै केही भए पनि सहयोग हुने हुँदा क्षत्री समाजका २५ जना सदस्यहरूवाट स्वस्फूर्त रूपमा रकम संकलन गरि सामाग्री ल्याइएको जानकारी दिए ।
*समाचारमा समाजका अध्यक्ष रामबहादुर अधिकारीको नाम तीन ठाउँमा रहेकामा एक ठाउँमा त्रुटीवश रामचन्द्र पर्न गएकामा यो समाचार पोष्ट भएको तीन मिनेटभित्र नै सच्याइएको व्यहोरा अनुरोध छ ।
सम्पादक
