वरिष्ठ अधिवक्ता यदुनाथ खनाल भन्छन् ‘सर्वोच्चले संसद ब्युँत्याउँछ’(भिडियोसहित)

दमौलीः विपक्षी गठबन्धन सरकारी कदमविरुद्ध सर्वोच्च अदालत गएका बेला वरिष्ठ अधिवक्ता यदुनाथ खनालले प्रतिनिधि सभा विघटनपछिको विपक्षी गठबन्धनका लागि एक मात्र विकल्प सर्वोच्च अदालत जानु भएको बताएका छन् ।

सरकारको सिफारिसमा राष्ट्रपतिले संसदको विघटन गरे पछि अहिले यसको पक्ष र विपक्षमा बहस चलिरहेको छ । प्रधानमन्त्री चुनाव र विपक्षी गठबन्धन सर्वोच्च जाने तयारीमा रहेका बेला खनालले दमौली न्युजसँग कुरा गर्दै प्रधानमन्त्रीको कदम कानूनी हिसाबले जालसाँजी भएको टिप्पणी गरे ।

विगतमा पनि यस्ता घटनामा सर्वोच्चले संसद पुनस्र्थापना गरेको नजिर रहेको भन्दै उनले यसपाली पनि त्यसै हुने जिकिर गरे । विपक्षी गठबन्धनले सोमबार यस विषयमा सरकारलाई सर्वोच्चमा चुनौती दिने घोषणा गरेको छ ।