दमौली ः कोभिड संक्रमणको जोखिम कम गर्न तथा फजुल खर्च रोक्न भन्दै एक युवतीले बालगृह तथा पत्रकार कल्याणकारी कोषमा सहयोग गरेर जन्मदिन मनाएकी छन् ।
व्यास–६ साँघे घर हाल व्यास–३ दमौली निवासी विप्लता ढुङ्गानाले कोभिडका बेला साथीभाई बोलाउँदा जोखिम हुने भन्दै जन्मदिनको खर्च सामाजिक काममा लगाएकी हुन् ।
उनले व्यास १० को उज्यालो बाल गृहका लागि तीन हजार तथा नेपाल पत्रकार महासंघ तनहुँ शाखाले स्थापना गरेको कल्याणकारी कोषमा दुई हजार पाँच सय रुपैयाँ सहयोग गरिन् ।
उनले घरका अध्यक्ष सागर घिमिरे तथा दमौली न्युजका सम्पादक पवन पौडेललाई रकम हस्तान्तरण गरिन् ।
ढुंगानाले न्यूनतम एक सय रुपैयाँ संकलन गर्दै बतास फाउण्डेसनको सक्रियतामा पोखरामा स्थापना हुन लागेको अक्सिजन प्लाण्टमा समेत जन्मदिनकै अवसरमा सहयोग गरेकी छन् ।
