दमौलीः तनहुँका प्रतिनिधि सभा सदस्य कृष्णकुमार श्रेष्ठ किसानले अक्सिजनको अभावमा तनहुँमा कसैले ज्यान गुमाउनु नपर्ने बताएका छन् ।
तनहुँ उद्योग वाणिज्य संघका पदाधिकारीसँग भेटघाट गर्दै उनले भने,‘तनहुँमा चाहिने जति पनि अक्सिजन ल्याउन म तयार छु ।’
उनले आफूले स्वास्थ्य सेवा विभागमा गएर तनहुँका अस्पतालहरुका लागि अक्सिजन सिलिण्डर र अरु सामग्री ल्याएको बताए ।
श्रेष्ठले तनहुँ उद्योग वाणिज्य संघले थालेको आपतकालिन उद्धार कोषको सराहना पनि गरे ।
