दमौलीः व्यास ७ पाथ्रामा घटेको एक झडपको घटनामा ज्यान मार्ने उद्योग मुद्दाका दुई अभियुक्तलाई तनहुँ प्रहरीले पक्रेको छ ।
गत फागुन २० गते भएको घटनामा स्थानीय किशोरकुमार श्रेष्ठमाथि खुकुरी प्रहार गरी गम्भीर घाइते बनाएको भन्दै घटनामा संलग्नताको आरोप लागेका स्थानीय घैंटे भनिने रोशन गुरुङलाई आँबुखैरेनी गाउँपालिका वडा नं. ४ बेनीटारबाट गत शुक्रबार प्रहरीले नियन्त्रणमा लिएको हो ।
उनीविरुद्ध ज्यान मार्ने उद्योग मुद्दामा अनुसन्धानका लागि तनहुँ जिल्ला अदालतबाट म्याद थप अनुमती लिएर थप अनुसन्धान भइरहेको प्रहरीले जनाएको छ ।