दमौलीः निजामती सेवा दिवस २०७७ को अवसरमा भेटेरिनरि अस्पताल तथा पशु सेवा विज्ञ केन्द्र दमौली तनहुँले अस्पतालमा आएका पहिलो सेवाग्राहीलाई सम्मान गरेको छ ।
सेवा दिवसका अवसरमा कार्यालय आएका ऋषिङ्ग ७ पुरानथोकका मन्तुराज श्रेष्ठलाई केन्द्रका प्रमुख वरिष्ठ पशु विकास अधिकृत डाक्टर बालकुमार श्रेष्ठले अबिर तथा फुलका गुच्छासहित निःशुल्क औषधी प्रदान गरि सम्मान गरे ।
कुकुरको उपचार तथा खोपका लागि अस्पताल आएका मन्तुराज श्रेष्ठले आफुलाई आकस्मिक रूपमा गरिएको सम्मानले आफू एकदमै हर्षित भएको बताए । ‘केन्द्रले प्रदान गरेको सेवा र सम्मानबाट खुशी छु’ श्रेष्ठले भने ।
