दमौलीः तनहुँ उद्योग वाणिज्य संघको १६ औं महाधिवेशनबाट निर्वाचित पदाधिकारीलाई जिल्ला समन्वय समिति तनहुँले बधाई ज्ञापन गरेको छ ।
एक कार्यक्रम गर्दै समितिले नवनिर्वाचित अध्यक्ष पविन्द्रकुमार श्रेष्ठसहित विभिन्न बजार एकाई सभापतिसहित जिल्ला नेतृत्व टिमलाई बधाई ज्ञापन गरेको हो ।
कार्यक्रममा समितिका अन्य पदाधिकारीहरु उपस्थित थिए । कार्यक्रममा बधाई ज्ञापन गर्दै समन्वय प्रमुख शान्तिरमण वाग्लेले नेतृत्व व्यवसायीका समस्या समाधानमा सक्रिय हुने अपेक्षा गरे ।
यसैगरी नवनिर्वाचित अध्यक्ष श्रेष्ठले समितिसँग सहकार्य गर्दै व्यवसायिक विकासमा लाग्ने बताएको जिल्ला सदस्य एवं तनहुँ उद्योग वाणिज्य संघ थर्पु सभापति भीमलाल श्रेष्ठले जानकारी दिए ।
