दमौलीः व्यास नगरपालिकाले आईतबारबाट सार्वजनिक यातायात सञ्चालनको अनुमति दिएको छ । नगर प्रमुख बैकुण्ठ न्यौपानेद्वारा जारी विज्ञप्तिमा आईतबारबाट विहान ७ देखि साँझ ६ बजेसम्म सञ्चालन गर्न अनुरोध गरिएको छ ।
विज्ञप्तिमा छिमेकी तह वा संघ सरकारले थप निर्णय गरेमा सोही अनुसार भए पनि हालका लागि भने नगर क्षेत्रमा सार्वजनिक यातायात चलाउन अनुमति दिइएको उल्लेख छ ।
नगरपालिकाले यातायातका साधनले अधिक यात्रु राख्ने र महँगो भाडा लिएको गुनासो आएको भन्दै स्वास्थ्य मापदण्ड पालना गर्दै तोकिएको भाडा लिन पनि अनुरोध गरेको छ । यस अघि शनिबारसम्मकालागि बजार विहान र बेलुका खुलाए पनि सार्वजनिक यातायात भने चलाउन रोक लगाइएको थियो ।
