आँबुखैरेनीः ग १ ख ७०९६ नम्बरको मिनी ट्रक बाग्लुङबाट चितवन जाँदै थियो । तर अकस्मात आँबुखैरेनी पुगे पछि एका एक आगोको झिल्को देखिन थाल्यो । चल्दाचल्दै धुवाँका मुस्लो आउन थाले पछि चालकले ट्रक सडकमै रोके । आँबुखैरेनी गाउँपालिका ३ स्थित सडक छेउमा रोकेर राखेकै बेला आगो झनै दन्कन थाल्यो ।
सवार एक यात्रु कोठमा सरेर चितवन जाँदै गर्दा सामान लादेर फर्कंदै थिए । प्रहरीका अनुसार समयमै थाहा पाएकाले चालक र यात्रु निस्कन पाएकाले मानवीय क्षति त भएन तर सडक छेउमै ट्रकमा दनादन आगो लाग्न थाल्यो ।
ती यात्रुको मोटरसाईकल र दुईवटा सिलिण्डरसहित आगो दन्कन थालेपछि केही समयमै ट्रक पुरै बलेर ध्वस्त भयो । स्थानीय बादल थकालीले सामाजिक सञ्जालमा घटनाको दृश्य र भिडियो पोष्ट गरेका छन् ।
ट्रकको तल्लो भागमा क्षति पुगेकाले तेल निस्किएर आगलागी भएको अनुमान गरिएको छ ।
