दमौलीः नेपाल पत्रकार महासंघको नयाँ नेतृत्वका लागि पत्रकार गोरा मियाँ र उज्वल पौडेलबीच भिडन्त हुने भएको छ ।
दुईले उम्मेदवारी दिएकामा विगतमा जस्तो सहमतिको परम्पराले यस पटक निरन्तरता पाउन सकेन । यस अघिको अधिवेशनमा ओमकार आचार्य सर्वसम्मत अध्यक्ष चयन भएका थिए । तर यसपाली भने कुनै पनि पक्षले सर्वसम्मत नेतृत्वका लागि पहल गर्न सकेन ।
नेपाल प्रेस युनियन नेतृत्वको लोकतान्त्रिक प्रगतिशिल गठबन्धनको साथ पाएका मियाँले प्रेस चौतारी नेतृत्व तथा प्रेस मञ्चको सहभागीताको गठबन्धनको साथ पाएर नेतृत्व दौड थालेका हुन् ।
दुवैले आफ्ना अलावा संयुक्त प्यानल नै खडा गरेर मैदानको यात्रा तय गरेका छन् ।
तुलनात्मक रुपमा बलियो लोकतान्त्रिक प्यानलको साथले हौसिएका मियाँ र गठबन्धनका कारण चुनाव जित्ने आत्मबलका साथ मैदानमा उत्रेका पौडेलबीचको प्रतिष्पर्धालाई बुधबार हुने मतदानले अन्तिम टुंगो दिनेछ । एक सय १४ मतदाताले दिएको मतमार्फत नै महासंघको नेतृत्व चयन हुनेछ ।
