सुमन श्रेष्ठ
दमौलीः व्यास ३ निमचोक निवासी सुमन भट्टराई तथा हाल अमेरिकामा बस्दै व्यवसायी उत्तम भट्टराईले स्वर्गीय हरिभक्त भट्टराईको स्मृतिमा उज्यालो घर बालगृहलाई १० हजार रुपैयाँ सहयोग गरेका छन् ।
स्वर्गीय समाजसेवी भट्टराईका पुत्रद्वयले निधनको ४५ औं पुण्य तिथिको अवसरमा व्यास १० स्थित ‘उज्यालो घर’ बाल गृहलाई आर्थिक सहयोग गरेका हुन् । सहयोग रकम गृहका सचिव आकाश खनाललाई हस्तान्तरण गरिएको थियो ।
भविष्यका कर्णधार बालबालिकालाई असल नागरिक बनाएर मार्गदर्शन गर्ने बालगृहमा पिताको सम्झनामा सघाउन पाउँदा खुशी लागेको भट्टराईले बताए । गृहका सचिव खनालले बालगृहका लागि सुभेच्छुकबाट आउने सहयोगले हौसला मिलेको बताए ।
