काठमाडौं भदौ १७
नेपाली कांग्रेसका वरिष्ठ नेता रामचन्द्र पौडेलले रेलको ठेक्का हचुवाका भरमा निश्चित ठेकेदारलाई फाइदा हुने गरी गर्न लागिएको भन्दै रोक्न माग गरेका छन् । एक विज्ञप्ति निकाल्दै उनले निश्चित ठेकेदारलाई मात्र योग्य बनाएर ढुकुटीबाट ३५ अर्ब खर्चन खोजिएको भन्दै यसलाई अनुचित भनेका छन् ।
निश्चित ठेकेदारलाई मात्र योग्य बनाउने काम हुन लागेको भन्दै उनले यसबाट नीतिगत र संस्थागत भ्रष्टाचारलाई प्रोत्साहन हुने दावी गरे ।
पौडेलले यस विषयमा अनुसन्धान गर्न अख्तियार दुरुपयोग अनुसन्धान आयोगसँग माग गरेका छन् ।
