दमौलीः आफ्नै छोराको लाठी प्रहारबाट व्यास ११ दरैपँधेरामा एक वृद्धाको ज्यान गएको छ । ७१ वर्षिया लक्ष्मीमाया दरैलाई ३८ वर्षका छोरा प्रेमले बिहिबार राती लाठी प्रहार गरेका थिए ।
प्रहरीका अनुसार मदिरा पिएका उनले घरमै रहेकी आमाको टाउकोमा लाठी प्रहार गरेका हुन् ।
स्थानीयका अनुसार जग्गासम्बन्धी विषयमा गालीगलौज गर्दै आक्रमण गरेका उनले उद्धार गर्नेलाई पनि रोकेका थिए ।
प्रहरीले प्रेमलाई नियन्त्रणमा लिएर अनुसन्धान थालेको प्रहरी नायब उपरीक्षक युवराज तिमल्सेनाले जानकारी दिए ।
पोष्टमार्टमपश्चात मृतक वृद्धाको शुक्रबार अन्त्येष्टि गरिएको छ ।
