काठमाडौंः कोरोनाविरुद्धको खोप लगाउनका लागि भारत सरकारले अनुदानमा दिने १० लाख डोज भ्याक्सिन बिहिबार नेपाल भित्रँदैछन् ।
भारतीय कम्पनी सिरम इन्ष्टिच्युट तथा अन्यत्रबाट समेत खोप खरिद गर्ने तयारी भएका बेला पहिलो चरणमा भने भारतले अनुदानमा दिन लागेका खोप भित्रन लागेको हो ।
स्वास्थ्य तथा जनसंख्या मन्त्री हृदयेश त्रिपाठीले भारतबाट अनुदानमा प्राप्त कोरोनाविरुद्धको १० लाख डोज खोप बिहिबार आउने र बाँकी खरिद प्रक्रिया पनि अघि बढ्दै गरेको बताए ।
खरिदकै विषय नटुंगेका बेला भारत सरकारले दिएको अनुदानलाई स्वास्थ्य मन्त्री त्रिपाठीले ‘अमूल्य उपहार’ भनेका छन् ।
