दमौली
भदौ १५
आयुर्वेद स्वास्थ्य केन्द्र तनहुँका अध्यक्ष देवीबहादुर बस्नेतले पदबहाली गरेका छन् ।
गण्डकी प्रदेश सरकारबाट अध्यक्षको जिम्मेवारी पाएका बस्नेतसहित व्यवस्थापन समितिका सदस्यहरु तनहुँ उद्योग वाणिज्य संघका प्रथम उपाध्यक्ष बैकुण्ठनाथ मिश्र, व्यास नगरपालिका वडा नं. ३ का वडा अध्यक्ष प्रेमकुमार श्रेष्ठ र सन्तोष सुर्खालीले पदस्थापन गरेका हुन् । केन्द्र प्रमुख डा. रामप्रवोध मण्डल भने सदस्य सचिव छन् ।
प्रतिनिधि सभा सदस्य केदार सिग्देलसहित नेकपा नेताहरु र सरोकारवालाको उपस्थितीमा भएको कार्यक्रममा अध्यक्ष बस्नेतले प्रभावकारी ढंगबाट सेवा प्रदान गर्ने प्रतिवद्धता जनाए ।
