दमौली: व्यास १२ देउरालीमा ट्रक आगलागी भएको छ।
पोखरामा सिमेन्ट पुर्याएर फर्केको लु २ ख ११९ नम्बरको मालवाहक ट्रक आगलागीमा परेको हो ।
आगलागीबाट ट्रकको अगाडिको भागपूर्ण क्षति भएको छ।
विहान करिब सवा ५ बजे भएको घटना पछि चालक सडकमा झरेका थिए ।
स्थानीय, प्रहरी तथा दमकलको टोलीले आगो निभाएको थियो ।
वायरिङ सर्ट भएकाले आगलागी भएको हुनसक्ने अनुमान गरिएको प्रहरी नायब उपरीक्षक युवराज तिमल्सेनाले जानकारी दिए ।
घटनामा चालक र सहयोगी पहिल्यै गाडीबाट ओर्लिएका कारण मानवीय क्षति भने नभएको प्रहरीले जनाएको छ ।
