गण्डकी त्रिभुवन आर्मीसँग पराजित, तनहुँका समीरको ५० रनको योगदान

दमौलीः बिहिबारबाट राजधानीमा शुरु प्रधानमन्त्री कप पुरुष राष्ट्रिय क्रिकेट गण्डकी प्रदेशका लागि सुखद् नभए पनि तनहुँका एक खेलाडिका लागि भने प्रतिभा देशमाझ चिनाउने अवसर बनेको छ ।

पोखरामा भएको छनौट प्रतियोगितामार्फत गण्डकी प्रदेशको टिममा छानिएका दमौलीका समीर कँडेलले प्रतियोगितामा बलियो त्रिभुवन आर्मी क्लबविरुद्ध व्यक्तिगत ५० रनको स्कोर गरेका छन् ।

पहिलो पटक राष्ट्रियस्तरको प्रतियोगितामा खेल देखाउने अवसर पाएका उनले टिम हारे पनि खाडल कम गर्न मद्दत गरे । टिमका एक सदस्य आउट भए पछि अवस्था सम्हाल्न पुगेका उनले धर्मराउँदो टिमको बलिङलाई बलियो क्लब नेपाल आर्मीसामु जोगाउन भरमग्दुर प्रयत्न गरे ।

‘टिमले नजिते पनि पहिलो राष्ट्रिय खेलमा सकेको राम्रो प्रदर्शन गनँ पाउँदा खुशी लागेको छ,’ उनले भने । उनले कोभिड अघिको केही समय भारतमा क्रिकेट प्रशिक्षण लिएर आएका थिए ।
प्रतियोगितामा व्यास १० बैरेनीका चन्द्रकान्त पौडेलले ६३रन खर्च गरे ।

प्रतियोगितामा गण्डकी आर्मीसँग ९८ रनले पराजित भएको थियो । उसले ५० ओभरमा ६ विकेटको क्षतिमा दुई सय ८७ रन बनाउँदा गण्डकीले ४८ ओभरमा १० विकेटको क्षतिमा एक सय ९० रन बनाएको थियो ।