दमौली : व्यास नगरपालिकाले आदिकवि भानुभक्त क्याम्पसलाई दुई हजार थान सेनिटरी प्याड हस्तान्तरण गरेको छ । नगरपालिकाका शिक्षा शाखा अधिकृत सन्तोष गोदार र कम्प्युटर अपरेटर अर्जुन सुनारले सहायक क्याम्पस प्रमुख कल्पना लम्साललाइ मंगलबार हस्तान्तरण गर्नुभएको थियो । क्याम्पसमा अध्यनरत किशोरीहरुको स्वास्थ्य सुरक्षाका लागि टेवा पुर्याउने उद्देश्यले नगरपालिकाले उक्त प्याड प्रदान गरिएको शिक्षा शाखा अधिकृत सन्तोष गोदारले जानकारी दिनुभयो । सहायक क्याम्पस प्रमुख कल्पना लम्सालका अनुसार हाल क्याम्पसमा २ हजार छात्राहरु अध्यनरत रहेका छन । उनका अनुसार क्याम्पसमा अध्यनरत करिब ९० प्रतिशत छात्राहरु तनहुँका ग्रामिण भेगका रहेका छन । छात्राहरुको स्वास्थ्य सुरक्षाका लागि नगरपालिकाले गरेको सहयोग प्रति सिंगो क्याम्पस परिवार आभारी रहेको लम्सालले बताउनुभयो । महिनाबारिका बेला अधिकांश छात्राहरु क्याम्पस अनुपस्थित हुने गरेका थिए निशुल्क प्याड बितरणले उनिहरुको अध्यन नियमित गराउन सहायता पुग्ने छ लम्सालले भन्नुभयो ।
