म्याग्दे ः म्याग्दे गाउँपालिकाले ट्राफिक प्रहरी कार्यालय तनहुँलाई ट्राफिक चिन्ह हस्तान्तरण गरेको छ ।
गाउँपालिकाले एक कार्यक्रम गरी झण्डै ५० थान विभिन्न सामग्री हस्तान्तरण गरेको हो ।
गाउँपालिका अध्यक्ष माया राना र उपाध्यक्ष बालकृष्ण घिमिरेले प्रहरी उपरीक्षक अरुण पौडेललाई ती सामग्री हस्तन्तरण गरे ।
गाउँपालिकाले दिएका सामग्रीमा सवारी कम गर्ने सूचक अंकित बोर्ड, सवारी रोक्न निषेध उल्लेखित बोर्डहरुका साथै सडकमा प्रयोग हुने ट्राफिक कोन पनि हस्तान्तरण गरेको छ ।
कार्यक्रममा गाउँपालिकाका प्रमुख प्रशासकीय अधिकृत नारायणप्रसाद अधिकारी पनि कार्यक्रममा उपस्थित थिए । पृथ्वी राजमार्गमा दुर्घटना जोखिम कम गराउन यस्ता सामग्रीले सघाउने बताए ।
