आँबुखैरेनीः आँबुखैरेनी ३ डाँडाटोल स्थित आँबुखैरेनी डाँडाटोल सडक खण्डमा ट्रक र मोटरसाईकल ठोकिंदा दुईजना घाइते भएका छन् ।
प्रहरीका अनुसार गोरखाबाट आँबुखैरेनी तर्फ जाँदै गरेको ना ४ ख २३३८ नंम्बरको ट्रक र विपरित दिशाबाट जाँदै गरेको लु६८प ९१० नंम्बरको मोटरसाईकल ठक्कर खाँदा मोटरसाईकलमा सवार दुई घाइते भएका हुन् ।
घाइते हुनेमा गोरखा नगरपालिका १० बस्ने वर्ष ३१ को बिराज त्रिपाटी र ऐ.बस्ने वर्ष २३ को सन्तोष थापा छन् । उनीहरुको छिम्केश्वरी अस्पताल आँबुखैरेनीमा उपचार भैरहेको प्रहरीले जनाएको छ ।