आँबुखैरेनीः आँबुखैरेनी गाउँपालिका २ एक्लेफाँट स्थित पृथ्वी राजमार्गमा मोटरसाईकल दुर्घटनामा परी दुईजना घाइते भएका छन् ।
आँबुखैरेनीबाट डुम्रेतर्फ गैरहेको बा ८२ प ३३६५ नंम्बरको मोटरसाईकल दुर्घटनामा पर्दा त्यसमा सवार दुईजना घाइते भएको प्रहरीले जनाएको छ ।
बसलाई ओभरट्याक गर्ने क्रममा मोटरसाईकल अनियन्त्रित भई सडक छेउको चौतारामा ठोक्किंदा भएको दुर्घटनामा मोटरसाईकल चालक तनहुँ आँबुखैरेनी गाउँपालिका ४ निवासी ३० वर्षका भरत गुरुङ र पछाडि सवार जिल्ला गोरखा गण्डकी गाउँपालिका ६ निवासी २६ वर्षका सुरज गुरुङ घाईते भएका छन् ।
घाइते दुवैलाई थप उपचारका लागि छिम्केश्वरी अस्पताल आँबुखैरेनीमा पठाईएकामा दुवैको उपचार भैरहेको प्रहरीले जनाएको छ ।
