दमौलीः अन्तर्राष्ट्रिय सामाजिक संस्था एलायन्स क्लबको शाखा क्लब तनहुँमा पनि खोलिएको छ । शनिबार दमौलीमा बसेको युवाहरुको भेलाले जमुना श्रेष्ठ जोशीको अध्यक्षतामा क्लबको शाखा गठन गरेको हो ।
नव गठित क्लवको उपाध्यक्षमा शैलेश खाती क्षेत्री, सचिवमा सुदीप पौडेल, सहसचिवमा रोशन शर्मा, कोषाध्यक्षमा विनय राउत, सह कोषाध्यक्षमा सन्तोष श्रेष्ठ चयन भएका छन् ।
सदस्यहरुमा समुन्द्र पौडेल, सरिता श्रेष्ठ, महेश वाग्ले, रमेश नेपाली, मुना न्यौपाने, मिलेन्द्रलाल श्रेष्ठ, विशाल कुमार, अनमोल प्रधान, सागर गिरी, अशोक श्रेष्ठ छन् ।
सेवा र सुरक्षाको नाराको साथ संगठित रुपमा परिचालित गराउँदै लाने उद्देश्यले क्लब गठन गरिएको सचिव पौडेलले बताए । कम खर्च, धेरै सेवा भन्ने भावनाका साथ विश्वका २२ भन्दा बढि देशमा क्लब विस्तार भएको र नेपालका ४० जिल्लामा गठन भईसकेको अध्यक्ष श्रेष्ठ बताइन् ।
