दमौली: नवलपरासीका विष्णु कुमार चौधरीले १६ वर्ष अगाडी दमौलीमा ढाका व्यवसाय गरेर करोडको सम्पत्ति जोडेका छन् । उनले सुरुमा बीस हजार लगानी गरेको व्यवसाय हाल करोडमा परिणत भएको हो । व्यास नगरपालिका–२ मा २०६६ माघमा स्थापना भएको निखिल ढाका कपडा उद्योग मार्फत उनी सफल उद्यमी बनेका हुन् । ढाका उद्योगमा उनले २५ जनालाई रोजगारी दिएका छन् । हाल उनको उद्योगमा एक करोड भन्दा बढीको लगानी रहेको छ।
ढाकाबाट उत्पादन गर्न सकिने विभिन्न परिधान बारे प्रशिक्षणका सिलसिलामा दमौली आएका चौधरी ले २० हजार लगानी गरी व्यवसाय थालेको बताए । उनीले भने, “पछिल्लो समय अपेक्षा गरिएअनुरुप व्यापार नभए पनि ढाकाको साडी र कोट तर्फ युवायुवतीको आकर्षण बढ्दै गएको छ”, ढाकाबाट पहिले टोपी र चोली मात्र बन्ने गरे पनि अहिले अन्य परिधान बन्न थाले पछि ढाका व्यवसाय फस्टाएको गएको उनको भनाइ छ ।
ग्राहकको माग सँगै ब्लाउज, टोपी, पछ्यौरा, चौबन्दी, दौरा सुरुवाल, पाल्पाली ढाकाटोपी, तेह्रथुमे साडीको राम्रो व्यापार हुने गरेको उनले बताए । यस कारखानामा उत्पादित ढाकाका सामग्री जिल्लामा मात्र सीमित नभई लमजुङ, गोरखा, तेह्रथुम, नारायणगढ, नवलपरासी, काठमाडौँ लगायत बाहिरी स्थानहरुबाट पनि माग हुने गरेको छ । उनले भने
यहाँ घुम्न आउने आन्तरिक तथा बाह्य पर्यटक र स्थानीयहरूले ढाकाको कपडा किन्ने गरेका छन् । उहाँले भन्नुभयो, “दौरा सुरुवाल, जनजातिको कपडादेखि धातुजन्य गहना, सटिङ सुटिङ, विवाह, व्रतबन्ध, पास्नी, विद्यालय, कलेजका पोसाकका साथै झोला उद्योग सञ्चालन गर्दै आएको छु ।”
