दमौली : नेकपा एमालेले गणतन्त्रको पक्षमा आज दमौलीमा जागरण सभाको आयोजना गरेको छ । एमालेले आज देशव्यापी रुपमा सो जागरणसभा आयोजना गरेको हो ।
यसै गरी दमौलीको एमाले पार्टी कार्यालयबाट निकालिएको र्याली दमौली वजार परिक्रमा गरी अनशन चौतारीमा गएर कोणसभामा समापन गरीएको थियो । अनशन चौतारीमा आयोजित कार्यक्रमलाई एमाले शिर्ष नेताहरुले सम्बोधन गरेका थिए ।
सम्वोधन गर्ने क्रममा जनताले लडेर ल्याएको उपलब्धीलाई पुनः पूर्व राजावादीहरुले खोस्ने दुस्साहस गर्न थालेकाले गणतन्त्रको पक्षमा जनताको चेतना जागृत गर्न जागरण सभा आयोजना गरिएको बताएका थिए । इतिहास भइसकेको राजतन्त्र अब कुनै हालतमा फर्केर नआउने जिकिर गरेका थिए।
