देव गजमेर
दमौली : नवौं तनहुँ महोत्सवमा दर्शकहरुको सहभागीको घुइँचो बढ्दै गएको छ । महोत्सव सुरू भएको छैटौ दिनमा करिब ५५ हजार दर्शकले अवलोकन गरेका छन् भने करिव दुई करोड बराबरको कारोवार भएको नवौं तनहुँ महोत्सवका प्रवक्ता सुवोध अधिकारीले जानकारी दिए ।
उनका अनुसार उद्घाटन अघि र्यालीमा सहभागी भएका, उद्घाटन कार्यक्रममा सहभागी भएका, उद्घाटनका दिनभर सहभागी भएका, महोत्सवको छैटौँ दिन सहभागिता जनाएकाहरुलाई जोड्दा करिब ५५हजारले अवलोकन गरेको अधिकारीले बताए ।
छैटौ दिन माघे सक्रान्तिको दिन मंगलबार महोत्सव परिसर भरिभराउ भएको थियो । महोत्सवमा उल्लासमय सहभागिता देख्न सकिन्थ्यो ।
तनहुँ उद्योग वाणिज्य सङ्घको आयोजना तथा दमौली बजार इकाईको सहआयोजनामा विपिवनबाटिकामा जारी महोत्सव यहि माघ ७ गते सम्म चल्ने छ ।
