काठमाडौं । नेपाल पत्रकार महासंघको अध्यक्षमा निर्मला शर्मा निर्वाचित भएकी छिन् । यसको औपचारिक घोषणा भने केहीबेरमा गरिने छ ।
यो सँगै नेपाल पत्रकार महासंघको इतिहासमा पहिलो पटक एउटी महिला पत्रकारले नेतृत्व गर्नेछिन् । गत शुक्रवार सम्पन्न निर्वाचनबाट अध्यक्षमा निर्मला शर्मा विजयी भएसँगै महासंघले पहिलो पटक महिला नेतृत्व पाएको हो ।
शर्माले निकटम प्रतिद्वन्द्वी रमेश विष्टलाई पराजित गर्दै महासंघको नेतृत्व गर्ने भएकी हुन् । बिष्ट वरिष्ठ उपाध्यक्ष थिए । चुनाव गर्न असक्षम भएसँगै उपाध्यक्ष बाला अधिकारी नेतृत्वको महासंघले निर्वाचन गरेको हो ।
केन्द्रीय निर्वाचन समितिले अनुसार निर्वाचनको अन्तिम मत परिणामको आज सार्वजनिक गरिने छ ।
केन्द्रीय पदाधिकारी र केन्द्रीय सदस्यमा अधिकांश शर्मा नेतृत्वको प्यानलका उम्मेदवार निर्वाचित हुने निश्चित भएको छ ।
