दमौली : १७ अक्टोबर देखि ३० अक्टोबर २०२४ सम्म नेपालको दशरथ रङ्गशालामा आयोजना गरिएको साफ ओम्यानस् च्याम्पियनसिप खेल्ने महिला खेलाडीलाई कन्काई ग्लोवल एकेडेमीले सम्मान गरेको छ ।
नेपाली राष्ट्रिय महिला टिमको महत्वपूर्ण खेलाडी सदस्यका रूपमा भुमिका निर्वाह गरेकी तनहुँकी चेली नेपालको सान राष्ट्रिय खेलाडी बिमला बि.क लाई कन्काई ग्लोवल एकेडेमीले एक कार्यक्रम बीच सम्मान गरेको थियो ।
विद्यार्थी तथा शिक्षकहरूको उपस्थितिमा गरिएको बधाई तथा सम्मान कार्यक्रममा विद्यालयका प्रबन्ध निर्देशक मिलन गोदारले खादा, प्रमाणपत्र र मायाको चिनो प्रदान गरेका थिए । खेलाडी बि.क ले आफ्नो अनुभव बाँड्ने क्रममा विद्यालयका विद्यार्थीहरूलाई पढाइका साथसाथै खेल क्षेत्रको सफलताले पनि राष्ट्र र समाजलाई केही गर्न सकिन्छ भन्ने हौसला प्रदान गरेकी थिइन्।
