वातावरण संरक्षणका लागि आँबुखैरेनीमा साइकल र्याली गरिंदै

दमौली न्युज
  • ख-
  • ख+

आँबुखैरेनी : विश्व वातावरण दिवसका अवसरमा आँबुखैरेनीमा साइकल र्याली गरिने भएको छ ।

आँबुखैरेनीस्थित एमटिबी आँबुखैरेनी साइक्लिङ समूहको आयोजनामा शनिबार हुने कार्यक्रममा आँबुखैरेनी बजारभित्र साइकल र्यालीका अलावा बजारको सरसफाइसमेत हुने भएको छ ।


आँबुखैरेनीका सचेत युवाहरुद्वारा गठित समूहले वातावरण दिवसमा फोहोर नगर्न तथा वातावरण संरक्षणका लागि सन्देश दिने उद्देश्यले र्याली गरिन लागिएको ग्रुपले जनाएको छ ।

‘सकिन्छ सफा र व्यवस्थित गरौं, सकिन्न फोहोर नगरौं’ नाराका साथ हुने कार्यक्रममा फोहोर संकलनसमेत हुने आँबुखैरेनी काठमाडौं समाजका सचिव प्रविन तिमिल्सनाले जानकारी दिए ।


आँबुखैरेनी गाउँपालिकाको भवनबाट शुरु र्याली बजारका विभिन्न भाग हुँदै मुख्य चोकस्थित पृथ्वी राजमार्गमा पुगेर टुंगिनेछ । समूहले कार्यक्रममा सहभागीताका लािग सबै नगरवासीमा अपिल गरेको छ ।

कुनै सल्लाह, सुझाव वा प्रतिकृयाको लागि damaulinews.com@gmail.com मा इमेल पठाउन सक्नुहुन्छ ।
प्रतिक्रिया दिनुहोस्